捷克冇火獻「細」

猪拉多纳

今日歐國盃展開A組次輪賽事，由04年盟主希臘對捷克。眾所周知希臘以防守起家，絕不貿然傾巢而出，捷克有過氣射手巴路士缺態未必派佢上陣，攻力弱上加弱，既然兩隊喺進攻上都有心無力，入球細屬正路之選。

（now 632及660周三凌晨零時直播）

未分析場波，先講講賠率異動，今場客W賠率喺捷克國內多間菠菜公司都變冷咗，歐洲平均賠率指數都係捷克客W落飛，但幾間捷克菠菜公司都反行其道，捷克客W竟然愈買愈冷，Synot Tip主客和賠率係2.9倍、3.1倍、2.4倍，Maxi-tip係2.75倍、2.95倍、2.45倍，而且有進一步褪飛趨勢，大家要留意。

轉番入正題，喺後利赫高時期，希臘領隊費蘭度山度士依然秉承防守傳統。然而，希臘大軍不擅控制球賽節奏，容易失去控球權，往往畀對手㩒住嚟攻而被迫死守，或者希臘樂於此調，但一定削弱咗進攻上嘅支援，空有射手基卡斯及森馬拉斯亦徒然。
巴路士冇貨賣

捷克擁有中場好手路斯基，組織進攻唔成問題，但最弊仍然係臨門一腳唔掂。之前仲要靠過晒氣嘅巴路士已為人詬病，點知依家連佢都冇態，得番新仔尼斯特同老將大衞拉菲達，咁嘅攻擊力當然唔係好靠得住。

好彩，捷克有鋼門施治把關，加上上仗慘敗俄羅斯受過教訓，今仗防線一定打醒十二精神。既然兩隊都係守強攻弱，呢場開入球細機會極高。
兩軍對賽往績

日期 賽事 賽果

05/02/2008 熱身賽 希臘 1:0(0:0) 捷克

18/08/2004 熱身賽 希臘 0:0(0:0) 捷克

01/07/2004 歐國盃 希臘 0:0(0:0) 捷克（加時希臘勝1:0）

17/04/2002 熱身賽 希臘 0:0(0:0) 捷克