美國身陷危地未驚過

猪拉多纳

前幾日講過南美波，今日斯維就同大家傾吓隔籬嘅中北美洲。美國自請到德國名帥奇連士文執教後，表現漸入佳境，明早佢哋會喺世盃外圍賽Ａ組作客危地馬拉，應該實食冇黐牙，強捧「讓球客勝」。（周三早上10時開賽）

大家都知奇連士文當年大力提拔新人，以先進嘅訓練方式，並採用全攻型打法，令德國足球耳目一新。現在「奇哥」照辦煮碗，先召用多名於德國出生或搵食、有美國血統嘅年輕人，以進攻為主導嘅戰術，並用唔同方式鼓舞士氣，增強球員的信心及爭勝欲，徹底改變整隊嘅精神面貌，加上奇哥係一代名將，在隊中具備說一不二嘅權威，使眾將團結一致，前任巴特利嘅內訌問題已經不復存在。
撐墨西哥「大」開「薩」戒

現時美國以幾位外流球員如丹普西、侯活、賀頓等擔大旗，其中丹普西今季表現神勇，於英超取得16個入球，更引嚟阿仙奴垂青，呢位富咸後上殺手於美國隊亦交足貨，至今已累積25個士哥，成為該隊取分之匙。美國一向在中北美洲惡晒，今仗作客弱旅危地馬拉，贏兩粒冇難度，「讓球客勝」非常抵玩。

另一場B組墨西哥作客薩爾瓦多之戰，兩軍攻力唔曳，加上近3次對碰全都大手交易，睇嚟球迷可望睇到一場入球騷，一於捧大。
推介

美國 讓球客勝

薩爾瓦多 入球大

日本 讓球客勝