意軍上盤掃克

猪拉多纳

歐歐洲國家盃C組第二輪比賽，早場為意大利對克羅地亞。不計奧運賽事的話，近年克羅地亞一直係意大利剋星，但往績只能參考不能盡信，更何況意大利表現並非賽前預期般差，深信今場會有再進一步演出，順利擊敗克羅地亞以保出線機會，意大利讓平半揀上盤。（now 632及660周五凌晨零時直播）
踢和蠻牛唔簡單

或因今屆意大利星味不足，故球迷都不敢寄予厚望，但睇過首輪對西班牙之後，相信大家都會對「藍衣軍團」重新審視。實在自領隊柏蘭迪利上任後，意大利不斷作出改變，而最明顯就係心態，就以首場對「蠻牛」西班牙為例，若果意大利由傳統意式領隊執教的話，肯定會打五個後衞陣式，一於守足九十分鐘。但柏蘭迪利要求高，佢唔單止要意大利保留守得穩呢個優良傳統，仲要球員能製造到威脅性攻勢，而呢個要求同柏蘭迪利執教費倫天拿時一模一樣。

當睇過意大利對西班牙之後，球員的確滿足到柏帥要求，上半場能威脅到西班牙後防之餘，下半場亦抵得住西班牙攻勢。可以肯定呢支意大利唔係咁簡單，進步幅度可能大到你唔信，今場對克羅地亞可以睇得更多。
克軍主帥衰自大

克羅地亞首場對愛爾蘭贏得精彩，但要知愛爾蘭實力有限，能以三比一擊敗對手其實冇乜特別。而今場對手意大利係歐洲其中一支大賽專家，克羅地亞未必會踢得咁生猛。最弊係領隊比歷唔夠腳踏實地，又話贏得西班牙又話今屆可捧盃回國，傲慢意識實屬兵家大忌，今場必吃苦果。

至於角球方面，相信今場唔會太多。早前意大利對西班牙之時都係開出九個，克羅地亞首場對愛爾蘭都係得八個。兩隊打法都唔係咁利開角球，角球細值得留意。另外，意大利反敗為勝機會不高。今屆歐國盃極少見有反先情況出現，而要意大利先失球又唔係咁易，就算有好賠率亦不值博。