賓施馬嚟料吼4.5倍「入球」

猪拉多纳

西班牙對法國嘅大戰特別項目有賓施馬做主角，呢位皇馬射手喺今季球會級賽事Fit到震，點知嚟到國家隊踢歐國盃決賽周，3場分組賽過後仲未入過波，谷埋一肚火。力奇相信佢今晚係時候見真章，始終有真材實料，無論法國贏定輸，佢都應該會有士哥斬獲，4.5倍「入球」抵博！

仲有樣值得注意，今場角球大細中位數係10.5球，睇番分組賽數據，西班牙3場波最少嗰場自己都有7個角球，加埋法國3場波平均每場製造8.33個角球，兩隊喺今場8強大戰碰頭，角球斷估都唔會少，1.68倍角球大可以一試。
橫數千軍

西班牙旺開半場和

‧卡斯拿斯歷來喺歐國盃決賽周累積6場不失球。

‧自2010世盃不敵瑞士後，17場正式賽事錄得16勝1和。

‧今屆6個入球有4球係由大衞施華射入或助攻。

‧對上4次對法國未曾半場落後。

‧近6場比賽有5次開半場和。

法國分組賽歎「細」界

‧最近8場只試過1次半場落後。

‧歷來4次於大賽決賽周鬥西班牙錄得3勝1和戰績。

‧列貝利係分組賽爭奪皮球次數最多球員（75次），搶贏率達45%。

‧今屆3場分組賽都開細、雙及半場和。