鹽湖城搵海灣者出氣

猪拉多纳

美職積分榜前列球隊皇家鹽湖城，周四早上主場對戰西雅圖海灣者。近期鹽湖城認真差勁，聯賽連輸幾場，當中起碼失兩球。不過今次遇到戰意一般球隊海灣者，鹽湖城好有機會大翻身，主W可捧。

（周四早上10時開賽）

海灣者連贏三屆美國聯賽盃，為保住盃王美譽，球隊不借放棄聯賽。查實自五月上旬贏過FC達拉斯之後，海灣者就再無贏過聯賽，相反盃賽就全部贏晒。海灣者根本對於聯賽唔上心，今場肯定益咗主隊鹽湖城。

鹽湖城連續三場無分落袋係事實，不過睇番球隊今季成績，從未連續四場不勝，今次喺主場肯定會搏到盡爭取勝利。其實鹽湖城有質素，去年亦曾經在季後賽大勝海灣者三比○，相信今場可望重溫美夢。
銀河質素勝費城聯

另外，洛杉磯銀河將於主場對費城聯，「讓球主勝」可望順利開出。費城聯質素曳，作客又唔叻，今場睇怕惡唔出樣。

截稿時未知碧咸會否因上仗與對手衝突停賽，但銀河勝在多球星，逐個秤都秤贏費城聯，「讓球主勝」冇走雞。（周四早上10時30分開賽）