柏雷素爾「大」走鯨魚

猪拉多纳

日職衞冕球隊柏雷素爾全面回勇，上場轟入六粒狂數大阪飛腳，真正重現霸氣，今輪於中立場對名古屋鯨魚將繼續大踢進攻足球。鯨魚近期齋踢一個永井謙佑都掂，唔怕同對手鬥攻，入球大屬投X首選。

（now 631周六晚6時直播）

柏雷素爾已於亞冠盃出局，近期專心踢番聯賽，表現愈來愈好，已有山雨欲來之勢，上場鬥大阪飛腳終於嚟料，澤昌克大爆發轟入三粒，中場李安度杜明基斯亦有士哥，火力全開，班哥仔踢到欲罷不能，上次作客都咁攻法，今次去到東京國立競技場好難勒住囉。
鯨魚永井謙佑腳風順

柏雷素爾攻力勁，咁名古屋鯨魚又點呢？鯨魚中鋒約舒亞堅尼地目標太大長期畀人睇實，只能掩護隊友建功，隊中左腳王玉田圭司養傷，造就小將永井謙佑上位，呢個日本奧運腳連續四場有士哥，加埋入六粒，順到爆！兩軍都有士哥能力，近六次對賽五場開大，追大啦！
勝利船勢勁唔怕「一哥」

同日神戶勝利船主場對榜首球隊仙台維加泰，勝利船改由名帥西野朗領軍後用番同一班人，踢落攻守並重，表現脫胎換骨，近期已取得四連勝，上場箭頭都倉賢士哥後扮巴洛迪利脫衫谷肌慶祝名震天下，全軍上下作戰情緒高漲，今次挑戰維加泰絕對有得揮，受讓有利，要「讓球主勝」！
日職推介

浦和紅鑽 勝

柏雷素爾 大

神戶勝利船 讓球勝