王志偉定做100W

猪拉多纳

王志偉今季愈跑愈好，尋日仲夥拍「定做」掄元，勝出在港第一百場頭馬，仲同時幫航哥贏夠四十九W平一季最高紀錄，別具意義。偉仔呢場係一百W，隻馬獨贏賠率咁啱又係一百倍，所以話世事嘅嘢就係咁蹺。
       
定做（11號）在天雨中爆出100倍大冷W，並成為王志偉從騎第100場頭馬，認真巧合。
航哥平一季最佳成績

偉仔近年條路唔算特別平坦，好在喺佢不斷努力之下卒之有番起色，的確係可喜可賀。策騎生涯到達咗新嘅里程碑，偉仔賽後即刻畀人捉實做訪問，佢一開咪就不忘多謝航哥多年以來嘅教導同信任。另外偉仔又特別提到「軍」系馬主郭浩，話今季初好彩得郭生大力支持，至有機會贏番幾場建立信心，希望日後可以一直保持良好嘅合作關係。提到未來展望，偉仔都好謙虛，話會盡力跑好每一場賽事，博取更多練馬師同馬主支持。