威武飛駒延續「丹山」夢

猪拉多纳

中國人一向都強調薪火相傳，就連本地馬圈都唔例外，好似老友記團體早年養過隻名種「丹山」子嗣「丹山飛駒」，仲贏到上頂班，退咗役之後就運返澳洲配種，估唔到過咗一段時間之後，老友記團體就帶返隻「丹山飛駒」嘅子嗣返嚟，就係尋日跑第二場嘅「威武飛駒」，結果呢隻馬今鋪冇失禮佢老竇及馬主，喺冠軍騎師韋達胯下一放到底開齋，做咗第一隻喺香港贏馬嘅「丹山飛駒」子嗣。最巧合嘅係當年「丹山飛駒」同今場「威武飛駒」都係韋達幫手開齋。
       
威武飛駒加眼罩一放到底。
原定策略留住跑

賽後文家良就話「威武飛駒」之前狀態未足，所以頭兩場冇咩表現，今鋪幫隻馬加眼罩上陣後，走嚟明顯集中咗好多，佢仲話原本叫韋達留住跑，但係隻馬出閘太快，先至順住帶頭建功。