紐卡素半力 夠炒希臘兵

猪拉多纳

今晚歐霸盃外圍賽附加賽次回合，我認為紐卡素主場對希臘艾杜美圖斯係最強弱懸殊之戰，即使紐卡素收起半隊主力都足以贏三球或以上，Macot強捧「讓球主勝」。

（周五凌晨3時開賽）

紐卡素上季喺英超表現突出，幾乎可以參戰今屆歐聯，今季又維持強勁班底，對佢哋嚟講，歐霸盃當然冇英超咁重要，但今場係本季第一次主場踢嘅歐洲賽事，而嚟緊英超只係主場對弱旅阿士東維拉，賽程唔難應付，相信唔會放軟手腳，佢哋首回合作客收起咗多名主力，結果踢成1比1，但形勢明顯佔優，尤其下半場錯過幾次贏波嘅機會。
艾杜美圖斯本土都唔叻

Macot睇波範圍甚廣，對希臘聯賽亦好有興趣，可以同大家講，呢隊艾杜美圖斯實力相當水皮，佢哋上季取得希臘甲組第四名，其實已經係球會近三、四十年嚟最好成績，呢班波本身冇球星，球員質素同經驗都唔掂，能夠喺希甲攞到唔錯名次，可以壓住傳統勁旅AEK雅典，主要原因係教練運用穩守突擊戰術得宜，但最終得分比榜首奧林比亞高斯少23分，可見喺水準唔高嘅希甲佢哋都唔算強隊。今次係艾杜美圖斯史上第二次參加歐洲賽事，上次係六年前歐霸盃外圍賽，當時兩回合對西維爾分別輸1比2同0比4。

Macot認為兩班波實力相差太遠，即使紐卡素今晚再收起半隊主力，仍然足以喺主場輕鬆取勝。
Macot推介：

紐卡素讓球勝★★★★

布拉格斯巴達大★★★

狼隊勝★★★