呻少一兩句港甲有明天

猪拉多纳

新一季港甲已經開鑼，衞冕嘅傑志及老字號南華當然要𥄫實，至於標準流浪有高能崔護重來執教，仲有幾名克羅地亞同胞來投，實力應有所提升，好值得球迷朋友留意。查實今季香港各級聯賽都有唔少變動，足總明顯想搞好足運，Peter覺得大家都要畀啲時間及耐性，始終求變唔係一朝一夕嘅事，要腳踏實地從低處做起。而減少不必要嘅批評，對足運發展必有幫助。另外，近年球壇出現怪現象，經常將輸波怪罪於球證及場地問題。

其實足球比賽往往會遇到意外事情，所有人都唔會例外。只要你係有實力，任何困難都阻唔到你。能夠放下成見及短視，Peter相信香港足球前景會更加美好。
拜仁加碼有冠軍相

上次同球迷講過英超及西甲，今次就為德甲作大勢分析。今個夏天拜仁慕尼黑加大擴軍力度，陣容比起上季更加整齊，相信佢哋贏聯賽嘅機會相當高，輸都係輸自己。至於多蒙特感覺已成強弩之末，睇落好難威脅到拜仁。
金句：搞好足運有三心，信心熱心齊心