利物浦飄忽難捉摸 鬥新特蘭玩大好過

猪拉多纳

正所謂：「想要生活好，咪掂利物浦！」今季我都畀呢隊波害咗兩次，先係買曼城作客贏佢，偏偏呢場紅軍踢出超水準，仲差啲贏埋曼城添！之後當大家以為佢哋會食住度氣勢贏埋阿仙奴之際，佢就輸畀你睇！究竟「利記」你係咪同我哋投X者有仇先？今晚利物浦就會北上光明球場作客「黑貓」新特蘭，兩隊開季同樣未贏過，今晚博首勝一定去盡，寧買入球大都好過買「利記」喇！

（有線300及200台周日凌晨零時30分直播）
紅軍讓波信唔過

初步睇賠率，「紅軍」贏波熱過主隊，好多莊開利物浦讓平半，我就唔明點解仲開得出呢個盤口。「紅軍」開季作客先食咗西布朗3蛋，下周中又有歐霸跟尾，加上成日強調佢哋作客都係累人輸錢，莫非莊家真係收到「堅料」？唔理佢哋贏唔贏到啦！總之「哨牙蘇」蘇亞雷斯、波連尼、史達寧等等乖乖哋同我入多啲波就得喇！

利物浦傷兵問題唔嚴重，其實陣容都幾齊整，只要羅渣士戰術運用得宜，應該唔使好似開咧戰咁食蛋嘅，況且開季3場不勝，呢個新領隊都會受到高層更多壓力啦！
黑貓唔愁冇波入

新特蘭開季兩場都打和，起碼唔使輸先，不過今場受讓，好似着數過頭，投X朋友要小心，但講到入球能力同動機就唔使懷疑，一來佢哋都未開齋，二來話晒今場係開季第一次主場。新加盟嘅史堤芬費查表現對辦，對史雲斯嗰場全憑佢梅開二度先至不致3分全失。另外施巴斯坦拿臣同愛爾蘭國腳占士麥堅恩喺邊線極具殺傷力，如阿當莊臣能趕及傷愈上陣，新特蘭唔愁冇人數胡，所以點計入球大都係不二之選。
Wendy推介：新特蘭 入球大