高伯新郭立基繼續贏

猪拉多纳

高伯新同埋郭立基呢個騎練組合今季旺氣逼人，三次賽事都有馬贏，賽後高伯新就話鄭永安係最早支持佢嘅馬主，所以好開心幫佢贏馬，而呢隻「福譽」上季嘅表現真係失望啲，但依家比之前成熟，加上臨場形勢有利，卒之打開勝門。
       
福譽爆半冷打開勝門。

法系猛將巫斯義早排嚟香港，前晚做埋喺香港攪嘅第152屆墨爾本盃晚會嘉賓，尋日就順道入場幫老友鄭永安隻「福譽」打氣，結果呢隻馬如有神助，今鋪跑五班千六米殺低隻「天寶之威」，順利開齋之餘，老巫又可以同鄭生影番張靚靚頭馬相，認真開心。
       
高伯新（左）與巫斯義惺惺相惜。
巫斯義入紙客串

至於會唔會返嚟香港騎馬，巫斯義就話已入紙申請公司騎師牌照，馬迷又有機會睇到呢個高手獻技。