馬里迪莫地頭打「鵲」

猪拉多纳

除咗紅軍之外，英超另一勁旅紐卡素今晚亦會出戰歐霸盃，「喜鵲」啱啱喺英超憑住球證兩度誤判先可以逼和愛華頓，今晚作客葡萄牙挑戰開季至今保持不敗嘅馬里迪莫，想喺D組搶分唔容易，今晚一於支持地頭龍2.25倍主W。

（有線64及204周五凌晨1:00直播）
紐卡素殘陣派小將

紐卡素今場陣容天殘地缺，門神告魯爾、後衞高洛仙尼同中場迪奧迪全部因傷掛免戰牌，另一中場主力賓艾化又要停賽。領隊柏祖仲講明，為免再有主力受傷，今晚會盡派小將落場，森美艾美奧比、沙恩費格遜、胡基治等全部擔正，咁嘅陣容，你話作客點夠踢？

馬里迪莫雖然今場有守將魯賓費拉拿同中場洛迪高安東尼奧停賽，但佢哋勝在氣勢強勁，開季至今7場比賽未輸過，其中4場歐霸盃賽事更加係全勝，今晚一於撐佢哋連贏第5場，力捧主W！

歐霸盃D組