「最低工資」領隊率雷丁鬥鵲

猪拉多纳

今晚其中一場英超賽事由雷丁主場對紐卡素，今季紐卡素好明顯擺聯賽為第一位，所以唔使太在意英聯盃及歐霸盃成績，踢番英超一定有唔同演出。更何況今場對手雷丁，其領隊麥達莫以前就係跟柏杜搵食，嚴格計係柏杜門生。今場師徒大對決，柏杜帶領嘅紐卡素可睇高一線，「喜鵲」客W可捧。

（有線304及204台周六晚10時直播）

麥達莫以前係柏杜嘅助理，主要負責XX工作。麥達莫當時人工好奀，每小時為2.5鎊（約31港元），僅高於香港最低工資。
當年做XX 時薪31蚊

雖然人工唔高，但麥達莫就話好鍾意份工，因為可以喺柏杜身上學到嘢。如今各為其主，麥達莫話當然希望雷丁交出好成績，但私底下與柏杜係好朋友，絕非外界所講嘅敵對關係。另外紐卡素喺柏杜帶領之下交出好表現，會方決定與柏杜及其教練團隊續約8年。