紅軍捉雀做大戲

猪拉多纳

有時踢波如做人，好波不如好運！就算你幾有實力，但撞啱運數唔好，一樣行路打倒褪。英超利物浦今季頭頭碰着黑，遇着惡踢賽程兼傷兵不斷，新帥羅渣士幾有料都畀人鬧到飛起，今輪作客諾域治，紅軍必喪攻求勝，而「金絲雀」亦恨聯賽開齋，捧大盤！

（有線301及201台周六晚10時直播）

今季幾場紅軍直播，細鬼都有睇，當中主場對曼城同曼聯，利物浦僅得一和一負，但其實演出絕不失禮。球隊主力謝拉特、蘇亞雷斯狀態頗弗，今場肯定由頭攻到尾博英超首勝，以紅軍攻力入波唔難。

諾域治今季穩打穩紮，主場未輸過，四場波三場有士哥。紅軍後防大將丹尼爾艾格養傷，無論出加歷查或高亞迪斯都好唔穩陣，而利物浦今季聯賽場場都有失波，今場唔好估邊隊贏喇，捧大盤仲好。