英冠快車撐保頓

猪拉多纳

英冠快車全速開行，保頓主場可力擒列斯聯反彈！列斯聯上周戰績彪炳，盃賽、聯賽都咁威，但惡戰連場再遇快車，球員身心俱疲，分分鐘獲利回吐。保頓韌到爆，本季聯賽3次輸完後即贏番，上周又比列斯聯踢少一仗，主W值捧！（周三凌晨3時開賽）

英冠競爭一向激烈，球隊大踢硬淨足球，球員體力曳啲都唔掂，列斯聯目前士氣係高，但連場大戰消耗過多，3日後再次作客都咪話唔甘。先於英聯盃淘汰愛華頓，之後再於聯賽你追我趕險勝布里斯托城，領隊禾諾克用「完美」形容上周，但要長期企喺高位好難，於球隊鬥心不及對手下，好大機會輸波。

保頓人腳於英冠算頂級，球隊戰意高昂，本季3次輸完即贏，睇到佢哋心理質素極高。主力奇雲戴維斯、伊高斯、尼高治等狀態唔差，捧主W。
黑池輪換制「襟捱」

另外黑池作客侯城，主隊大跌Watt上仗主場都輸畀弱旅彼德堡，黑池玩慣輪換，於快車賽程有着數，受讓好路。至於錫周三愈踢愈沉，已盡失季初銳氣，造訪攻力強勁嘅般尼，捧主W。
英冠推介

保頓 勝

般尼 勝

黑池 讓球客勝