白禮頓搵「阿葉」出氣

猪拉多纳

今晚除了歐聯外，仲有英冠同英甲畀大家選擇，其中白禮頓主場鬥葉士域治，揀主W！白軍上仗意外輸波，領隊普耶㷫過辣雞，經佢精心部署後又試主場出戰，力足反彈。葉士域治雖剛和波止血，但領隊祖維爾已失民心，白禮頓可以重返勝軌。

（周三凌晨2時45分開賽）
哈特斯主場捉「狐狸」

另一戰哈特斯菲爾德主場迎戰李斯特城，「狐狸」作客戰鬥力大減，連續兩場離開主場攞命，讓波唔抵玩，捧「讓球主勝」。英甲卡維尼主場對般尼茅夫，般軍上次作客慘敗，今仗捧主W。

猪拉多纳