小狂牛晒冷爭埋丹

猪拉多纳

U21歐國盃賽事西班牙U21主場對丹麥U21，「小鬥牛士」近8仗贏咗7仗，今場更有基斯甸泰路、蒙尼恩等猛將壓陣，可謂精銳盡出，勢宰人腳麻麻的丹麥U21，「讓球主勝」捧得過。

（周五凌晨2時45分開賽）

今輪係U21歐國盃第二階段附加賽，14隊分兩回合對壘，呢場為首回合賽事，勝出嘅7隊會殺入來年U21歐國盃決賽周。講番呢場波，由於關乎出線資格，西班牙U21亦不敢怠慢，除召入巴塞翼鋒基斯甸泰路同畢爾包幼獅蒙尼恩外，仲有於外圍賽轟入7粒嘅賓菲加射手洛迪高利馬，加上曼聯門神迪基亞及馬拉加中場伊斯高等列陣，大有不勝無歸之勢。另一場斯洛伐克U21對荷蘭U21，後者作客踢得保守，首回合會以穩為先，捧細。