史浩克殘陣難頂多蒙特

猪拉多纳

德甲矚目大戰，魯爾區打吡多蒙特主場鬥史浩克04。喺德國有唔少傳統宿敵打吡，著名嘅包括漢堡同聖保利、拜仁慕尼黑同1860慕尼黑之間嘅對戰，不過唔會有另外兩支球隊好似多蒙特同史浩克咁互相憎恨對方，今戰已經唔係一般比賽，雙方除咗職球員外，球迷甚至全城都視為一場戰爭。史浩克防線不穩，高手過招場合好蝕底，多蒙特主場讓半一，撐上盤。（有線64台周六晚9時30分直播）

今晚對陣雙方下周中都要應付歐聯大戰，多蒙特會喺主場迎戰皇家馬德里，史浩克就要作客倫敦對阿仙奴，不過無論呢兩場歐聯分組賽有幾關鍵，都唔會影響雙方今仗部署，因為今場係兩軍上半季最重要嘅比賽，根本唔存在留力考慮，必定係搏完至講。

多蒙特喺上輪聯賽不但遭漢諾威逼和，仲有多名主力受傷，其中狀態最勇嘅巴拉斯塞高斯基缺陣，金童馬里奧葛斯亦喺為德國國家隊比賽帶傷而回，三個進攻中場配置需要改動，不過可喜嘅係上輪受傷嘅後防大將曉姆斯傷愈復出，另外三名傷兵基爾、施雲賓達同根度簡都趕得切披甲，陣容大致復整。
防線失兩將雪上加霜

Oliver相信多蒙特今仗有力擊退只係來自20公里外嘅鄰居，皆因佢哋進攻火力足以摧毀演出持續混亂嘅史浩克防線，客軍今仗有中堅柏柏杜普路斯同天才中場達斯拿因傷缺陣，最新消息仲有主力左閘基斯甸富治斯負傷，上陣機會唔樂觀，防線實力進一步削弱，好難頂得住多蒙特強攻。
Oliver 推介：

多蒙特上盤 ★★★★

拜仁慕尼黑讓球客勝 ★★★★

雲達不來梅上盤 ★★★