馬瑟韋爾啞火 益晒喜伯年

猪拉多纳

今晚蘇超上演獨腳戲，由馬瑟韋爾主場出戰喜伯年，亦係聯賽兩大射手希當同利治格菲斯正面交鋒，不過希當近三仗啞火，連帶令馬瑟韋爾戰績下滑，喜伯年勝在得分點多，作客有力全身而退，「讓球客勝」值博。

(now 638周六凌晨2時45分直播)

先睇下依家個蘇超射手榜形勢，希當與利治格菲斯同以七個士哥並列榜首，他倆可算是所屬球隊的靈魂人物，尤其係希當，馬瑟韋爾季初有得踢歐聯外圍賽，但兩線作戰下，搞到兩頭唔到岸，先後於歐聯同歐霸出局，聯賽一度陷於低潮，如果唔係希當連續四輪轟入七粒，馬瑟韋爾可能已跌入降班區域。
希當連續3仗食白果

不過，「最鋒利嘅刀都有生銹嘅一日」，馬瑟韋爾連盃賽近三場輸晒，最慘係希當此時陷入球荒，搞到該隊一球都入唔到，一齊沉淪。相比之下，喜伯年就唔會將所有雞蛋放在同一個籃度，雖然利治格菲斯係首席射手，但其拍檔艾奧恩杜利、禾達史般亦能分擔其入波重擔，上仗輸畀羅斯郡，但表現唔曳，比起希當啞火即冇料到的馬瑟韋爾，起碼有一定還擊能力，預計喜軍可頂住唔輸，「讓球客勝」捧得過。