巴塞A貨獻「細」

猪拉多纳

青訓兵孭飛砌丙組仔

今周西班牙盃第4圈首回合，衞冕嘅巴塞隆拿作客丙組仔艾拉維斯，預計主帥維蘭路華會收起美斯、沙維等球星，派出多名青訓產品迎敵，今場大細中位數調至3.5球，純粹名牌效應，細盤值博。

（now 632周三清晨5時直播）

大家係咪覺得艾拉維斯呢隊波耳有所聞呢？咪就係2001年歐洲足協盃決賽，同利物浦合演經典入球騷（4比5）最終飲恨嗰隊囉，事隔十多年早已物是人非，艾軍如今已淪為丙組仔。不過該隊今季表現唔錯，特別係防守方面頗有心得，近8仗只係失6球，難怪暫列丙二榜首，賽前艾軍教練揚言要擊敗巴塞，陣內士氣高昂，希望以穩固防線創造奇迹。
大牌冇練波 往績極旺細

另一邊廂，巴塞能於多條戰線游刃有餘，得力於主帥維蘭路華堅持輪換制。從周日訓練只得B隊小將參與，可預見今仗盃賽對住艾拉維斯，維帥會收起更多主力，重用拉馬西亞青訓新星如基斯甸泰路、莊拿芬杜斯山度士、馬斯巴查、馬田蒙度亞，佢哋雖屬優質產品，但與主力仍有一段距離，加上近5次作客艾軍全數開細，面對死守頑抗嘅主隊最多小勝，唔慌多波入，細盤有買趁早。