賀芬咸平手盤咪錯過

猪拉多纳

杜塞爾多夫大傷「鋒」

德甲杜塞爾多夫主場鬥賀芬咸，今場喺兩軍歷史上首次交鋒，杜塞爾多夫近況低沉，防線嚴重崩潰，今仗前線更有多名主力因傷缺陣，攻不銳守不穩，就算主場都幫唔到佢哋，平手盤Alwin力撐客軍賀芬咸。

（周六晚10時30分開賽）

杜塞爾多夫季初係德甲神奇球隊，頭5輪聯賽２勝3和保持不敗之餘，更一球不失，可惜到頭來只係虛火，近期聯賽4連敗之餘，防線更好似要還債一樣，近3場聯賽共失12球，由神奇淪為笑柄。

除咗守不穩，杜塞爾多夫今仗仲面臨大傷「鋒」，射手列辛加繼續養傷之餘，今季最大發現嘅球隊首席射手舒查軒竟然喺操練中受重創，預期要抖三星期，甚至上仗對利華古遜取得入球嘅另一鋒將拉菲爾，亦加入傷兵行列，今仗上陣機會好唔樂觀，前線只剩低33歲烏克蘭老兵禾路連可用，不過呢位老將今季尚未開齋，更盛傳同四眼教頭洛拔美亞不和，近幾仗受冷待淪為後備，已經執定包袱準備喺歇冬期離隊，心情同狀態都唔慌好，前線旨意晒佢真係冇眼睇。
生牯仔格里科有料到

賀芬咸季前增兵，實力同成績都有大把上升空間，上仗主場以3比2絕殺勁旅史浩克04，連季初受到非議嘅前國門韋爾斯狀態都返晒嚟，目前全隊士氣正處於高峰，季初曾受壓力嘅少帥巴布大膽起用新人亦見成效，德國U20代表禾蘭表現愈嚟愈好，年僅19歲嘅天才格里科（Vincenzo Grifo）上仗亦交出靚靚助攻，今晚隨時會搶埋近兩仗表現有啲走樣嘅日本小將宇佐美貴史個正選。雖然防守中場丹尼爾威廉斯有輕傷上陣成疑，不過面對主隊咁孱弱嘅攻力，用踢法更全面嘅沙利荷域取代佢只會進一步幫到前線，鋒將祖斯盧、禾蘭、舒普洛克同後備席上嘅戴迪約克都有質有態，態沉殘陣嘅杜塞爾多夫好難頂得住。
Alwin 推介：

賀芬咸平手盤★★★★★

史浩克04大★★★★

多蒙特讓球勝★★★