甘美奧搏命「+1」得米

猪拉多纳

明早上演最後一場南美球會盃8強次回合，哥倫比亞球隊米倫拿列奧主場對巴西球隊甘美奧。甘美奧已緣盡巴甲聯賽錦標，勢必集中火力爭南球盃，佢哋首回合贏1比0，為晉級搏埋條命都要力保勝果。以甘美奧連續15場不敗走勢，今仗有得受讓Mic少必捧「讓球客勝」。

（有線61及201台周五早上8時15分直播）

今季巴甲仲有三輪，但富明尼斯已提早捧盃，令次席甘美奧恨得牙癢癢，更加刺激佢哋爭奪南球盃決心。最重要係甘美奧狀態大勇，已保持15場不敗，包括上月巴甲作客大戰富明尼斯，都可全身而退，又點會怕哥倫比亞嘅米倫拿列奧。米軍近況麻麻，近兩場取勝，只因遇上弱隊，不足為懼，想贏如日中天嘅甘美奧，恐怕相當困難。