安治重歐霸必砌烏甸

猪拉多纳

A組另一場由俄羅斯富豪球會安治主場迎戰意甲烏甸尼斯。安治高度重視歐霸盃，名帥希丁克專揀主場搏殺，今屆分組賽主場兩戰全勝，希帥計好晒數，贏埋今場晉級在望，相信班兵可完成任務，熱捧主勝！

（有線64及204台周五凌晨1時直播）

唔少歐洲大會視歐霸盃為雞肋，安治就當係寶，作戰態度異常認真，上輪面對半力出擊嘅利物浦踢到好似決賽咁謹慎，最終贏得關鍵戰役。安治班貴價兵級數唔算好高，王牌球星伊度奧不復當年勇，但勝在戰意鮮明，教頭希丁克知道球隊作客冇優勢，早就部署喺主場搏殺，方向正確，今戰贏埋就出線在望，實砌盡求三分。
近10主場9勝

以往意大利球會唔多重視歐霸盃，烏甸尼斯今屆都算有誠意，並冇出晒副選，不過佢哋兵力始終有限，未能兼顧聯賽及歐洲賽，隨住連續兩場輸畀年青人後，依家形勢惡劣，今場和波出線機會都唔高，睇怕佢哋未必咁有決心。安治近十次主場出戰贏九場，水準真係好穩定，今戰有力再下一城！