AC祖記猛火開「大」片

猪拉多纳

小法老王Vs花式射手

意甲榜首祖雲達斯，今輪作客火併AC米蘭。兩支球隊近期踢法都偏向積極，入球數字亦相應提升。加上雙方都有當弗射手助陣，今場肯定會大駁火，對攻場合先揀大盤。

（周一凌晨3時45分開賽）

AC米蘭已經連續三場開出大盤，包括上周中歐聯以三比一擊敗安德列治。依家AC靠進攻得米，今晚對住祖雲達斯一定唔會縮後防守咁保守。要留意AC前鋒艾沙拉維，呢位有埃及血統嘅射手今季「士哥」頻頻，AC球迷仲將佢封為「小法老王」，今場面對祖雲達斯隨時又有入波。

至於祖雲達斯方面，除咗防中維達爾之外，「花式射手」加利亞雷拉一樣弗爆，唔怪得意帥柏蘭迪利都話留意緊佢，好有可能選番佢入國家隊兼打正選，故今場加利仔必定會搏盡以換取好感。兩隊主攻手都相當勇銳，連番入球絕唔出奇，大盤捧得過。
森多回勇主Ｗ「博」得過

另外較早時間有場森多利亞主場對博洛尼亞，主Ｗ可留意。今季博洛尼亞聯賽客敗率高，七場作客輸六場，睇見都唔開胃。相反森多利亞已見回勇，上周聯賽擊敗同市對手熱拿亞，球員士氣定必大幅提升，再贏博洛尼亞好正路。