波圖勢盛 氣吞布拉加

猪拉多纳

今日阿King睇中一場葡超大戰，波圖作客布拉加照贏可也！兩軍同樣啱啱征戰歐聯，布軍作客輸波出線夢碎，相反波圖就主場贏波錦上添花，齋講士氣波圖贏晒。睇埋往績，波圖近六次對賽全部勝出，今場大家識點揀啦！

波圖本季繼續保持強勢，於葡超同歐聯都有理想表現，各項賽事17戰14勝3和，真係弗到得人驚。哥倫比亞前鋒積臣馬天尼斯於聯賽已入8球，加上大將摩天奴於中前場穿針引線，波圖戰鬥力犀飛利。布拉加雖然近年起飛，但要同波圖鬥仲未係時候，目前無論近績、對賽成績都輸晒，梗係捧客勝。
串佩斯卡拉費倫天拿

意甲佩斯卡拉主場對羅馬，客軍中場靈魂迪羅斯缺陣，主隊於新帥效應下受讓抵買，捧「讓球主勝」。另一場費倫天拿作客拖連奴，費軍近期五連勝，腳下敗將包括AC米蘭、拉素等，作客照贏拖軍。