拉素烏甸老牌射手大鬥法

猪拉多纳

今晚意甲拉素主場對烏甸尼斯，兩位「70後」射手大鬥法，拉素前鋒高路斯缺席上周中歐霸盃，抖足精神強勢復出，又係數胡時候。烏甸射手迪拿達利今季亦頻頻士哥，誓再挑戰神射手殊榮。兩把「寶刀」仍然鋒利，有望合力炮製入球騷，1.9倍大盤可取。

（中央5台周三凌晨3時45分直播）
高路斯愈踢愈有

拉素連續兩場同對手互交白卷，但要留意其中一場對榜首祖雲達斯，另一場歐霸盃對熱刺，於出線在望下，收起有輕傷嘅高路斯，未能取得入球情有可原。拉素成功喺歐霸盃出線，可集中火力爭取打上聯賽前三，高路斯亦會復出搏殺。呢位34歲德國國腳今季聯賽已有7球進帳，主場鬥ＡＣ及羅馬，都有波入，以烏甸級數，好難抵擋呢架轟炸機。加上靴蘭尼斯及簡達華後上攻門亦相當有威脅，入波唔成問題。

至於35歲嘅迪拿達利上季僅以1球之差，屈居於迪亞高米列圖之下，未能奪得神射手獎，佢今季再接再厲，已累積咗8個聯賽入球。因此烏甸入球數字一直唔低，問題係防線較差，近四場賽事每仗起碼失兩球，遇上有高路斯助陣嘅拉素，更難保持不失，捧大盤。