哈化柏林科隆大鬥法

猪拉多纳

今晚至明早得六場波，唔怕花多眼亂，阿King集中火力講下德乙獨腳戲，由兩支上季德甲分子哈化柏林主場同科隆鬥法；今季哈化柏林降班後，猶如虎入羊群，強勢劍指升班，尤其近六主場贏五仗，今場唔會留手，不過科隆連贏兩場略見起色，其中前線射手安東尼烏查同捷希重拾射門鞋，加上奇兵奇雲麥堅拿連續兩場有波入，就算對哈化柏林都未驚過，今仗入波唔會少，阿King認為揀大盤穩陣過主勝。至於西盃次回合，兩支悶波馬略卡與拉科再碰頭，細盤一於追多鋪。最後南球盃四強次回合，哥倫比亞球隊米倫拿列奧上仗頂住唔輸，今返主場實盡砌，主勝穩開。