撐布魯日反晒俄超雙雄

猪拉多纳

歐霸分組賽最後一日，Anton概括講吓我熟悉嘅3支球隊，建議買晒兩支俄軍對家，都捧比利時球隊布魯日場。

先講Ａ組瑞士年青人主場對俄羅斯安治（周五凌晨2時開賽），安治已提早出線，不過喺分組賽兩場作客1和1負唔算叻，安治向來不喜輪換，球員近期搏得好殘，加上嚟緊下周一將會同辛尼特進行俄超爭霸惡戰，今場肯定唔同你癲，會派出大量副選，年青人仲有機會爭出線，呢支瑞士球隊演出係今屆歐霸其中一個大驚喜，今場我捧主Ｗ。至於另一支俄軍魯賓卡山H組作客對塞爾維亞柏迪遜（周五凌晨4時05分開賽），客軍已確保首名出線，近期佢哋喺俄超連續兩場都踢得曳，今場亦會派出大量副選交行貨，作客讓唔起要攞尾彩嘅柏迪遜，捧「讓球主勝」。
布魯日新帥熱衷歐戰

最後提供係Ｄ組布魯日作客對葡萄牙馬里迪莫（周五凌晨2時開賽），兩隊都出線無望，但相比之下馬里迪莫肯定係呢組實力最曳一隊，至今喺分組賽未贏過波，而且喺葡超亦處於艱難時刻，於下游苦苦掙扎，布魯日自從由新帥加列度領軍後有進步，加上呢位主帥向來對歐戰充滿熱誠。
Anton推介：

布魯日讓球勝 ★★★

年青人勝 ★★★

柏迪遜讓球勝 ★★★