祖記西西里獵豹

猪拉多纳

干地「出獄」帶兵立威

意甲爭標熱門祖雲達斯，今晚南下西西里島惡鬥「傻豹」巴勒莫，阿King繼續睇好祖記。今場祖記有因打假波而被判坐波監嘅名帥干地強勢復出，由佢親自帶隊出征，祖雲達斯必有更佳演出。巴勒莫主場氣勢明顯回落，好難對祖記構成威脅，今場可捧客Ｗ。

（中央5台周日晚10時直播）

祖雲達斯今場有主力射手基奧雲高停賽，但換上加利亞雷拉同胡仙歷攻堅威力不減。前意大利國腳加利亞雷拉今季從谷底反彈，更揚言要重返國家隊，所以一有機會落場就會搏盡，可能係全隊最好鬥志球員。其實祖記最近一次作客擊敗巴勒莫，加利亞雷拉亦都取得入球，今場隨時好夢重溫。
佩斯卡拉搏殺冧新帥

巴勒莫向來都係靠主場食胡，但見季初曾喺主場以○比三不敵拿玻里，最近又喺意盃以一比二輸畀維羅納，巴勒莫主場威力大減，祖雲達斯自然有機可乘。

另一場意甲佩斯卡拉主場對熱拿亞，開出平手盤，主隊高水必揀。「海豚」佩斯卡拉喺十一月下旬換上貝高迪執教之後，球隊演出仍未有太大改善。貝帥求勝心切，今場可謂不能有失，既然今輪遇到大跌Watt嘅熱拿亞，佩斯卡拉一定好好把握機會爭取勝利。最後一場意甲推介係錫耶納主場對卡坦尼亞，主Ｗ值得一試。卡坦尼亞作客唔掂已非新事，錫耶納今晚肯定會佔得上風，主W超過2倍抵玩。

猪拉多纳