羅馬撻着蘭唔住

猪拉多纳

意大利盃16強首場賽事，羅馬主場對阿特蘭大。今季一對首都球隊拉素及羅馬都有唔錯表現，當中以羅馬較為突出，佢哋唔止聯賽成績好，比賽亦極富娛樂性，今場遇着質素麻麻嘅阿特蘭大，相信可以輕取對手挺進8強，「讓球主勝」可留意。

（now 633及660周三凌晨4時直播）
阿特蘭大唔吼意盃

羅馬今季打得又睇得，捷克教練施文可謂功不可沒，今年暑期施文由佩斯卡拉轉投到羅馬，甫上場就向球員灌輸進攻意識，經過幾個月學習期之後，羅馬近期終於修成正果，於聯賽取得4連勝佳績，今次主場迎敵更添信心。要留意羅馬係歷史上奪得意盃次數最多球隊之一，與祖雲達斯同得9次，可見羅馬對盃賽有幾咁重視。反觀阿特蘭大向來都對意大利盃冇乜渴求，爭勝鬥志遠不及羅馬。另一點要留意係阿特蘭大下一場對手係榜首祖記，今場盃賽料會避重就輕。