托迪復甦勁入波 喪攻雌狼反轉阿特蘭大

猪拉多纳

今季大打進攻足球嘅羅馬鋒力所向披靡，上場「狼王」托迪個人表演帶領球隊締造4連勝，今晚轉戰意大利盃16強，9度奪冠嘅佢哋主場出戰阿特蘭大實搏到盡，2.18倍「讓主」要撐！ （now633及660台周三凌晨4:00直播）
阿特蘭大近況往績輸晒

羅馬喺崇尚進攻嘅薛文執教下，至今攻入38球冠絕意甲，除咗箭頭奧斯華度同拉美拿受惠，亦造就上場對費倫天拿兩射一傳嘅托迪大復甦。目前同祖雲達斯並列意盃奪冠次數最多嘅羅馬，矢志要第10次捧盃做No.1。雖然前鋒拉美拿繼續養傷，不過奧斯華度復出拍住托迪同迪斯度組成嘅三叉戟鋒力猶在，食住4連勝氣勢再下一城冇問題。

阿特蘭大對上兩圈半力出擊都輕鬆晉級，但對住帕多瓦同切塞納未受考驗，今晚前線單靠丹尼斯孤軍作戰未必搵到食外，中場比安甸尼同中堅卡佩利嘅缺陣更令攻守力削弱。再者佢哋聯賽作客2連敗不特止，04/05年球季至今7次作客羅馬都輸波收場，近況往績都咁差點頂得住！