文仙尼危企懸崖邊

猪拉多纳

文仙尼「水浸眼眉」，假如曼城喺嚟緊幾場波有乜冬瓜豆腐，佢仲可唔可以喺曼徹斯特市慶祝新年都成疑問，雖然曼城內訌消息不斷，但球員喺危急關頭最緊要保住飯碗，今晚作客紐卡素「有料到」！
「藍月亮」失分即唔掂

由依家到聖誕節新年嘅6輪英超快車，曼市雙雄嘅對手都係中下游球隊，曼城目前同紅魔差成6分，如果再失分畀弱隊，「藍月亮」可以提早扯白旗唔使旨意衞冕英超。

文仙尼喺曼城被削權，佢家陣只負責球隊訓練同比賽，其實已經企喺懸崖邊。對球員嚟講，換主帥就等如改朝換代，係禍係福好難講，為己為人睇怕係時候搏甩髀，以曼城人腳加埋「打鵲」嘅輝煌往績，今晚作客都未驚過！況且紐卡素一直受傷兵問題困擾，又要兼顧歐霸盃，連累到英超戰績低落，以佢哋目前低迷嘅狀態，幾難頂得住曼城狂攻。