拖肥主場例入波追大

猪拉多纳

今晚賓尼迪斯真係百般滋味在心頭，除咗一直未得到車迷支持之外，仲要領軍作客過往牙齒印極深嘅愛華頓，隨時畀全場主客球迷噓到北極都聽到，賓帥睇嚟要戴住耳塞先能夠專心領軍。雖然車仔防線有所改善，但拖肥糖主場夠硬淨兼死唔放棄，雙方爭勝欲強，或合演一場入球騷。
費托翻生士哥保證

曼聯最近已經開始拋離對手，而車路士最近穩定表現若果能夠延續的話，話唔定可以取代曼城成為曼聯下半季對手，以賓尼迪斯同費格遜嘅惡劣關係，肯定擦出火花。雖然五千萬先生費蘭度托利斯經常被網民恥笑為「廢托」，但佢自從同契老竇賓尼迪斯團圓後，一個月來已經射入六球。好勁唔稱得上，但至少似番個前鋒，仲有桑馬達呢個西班牙同鄉都保持到高入球率，今晚要入球唔係問題。

但小妹今晚就唔太睇好車路士，始終愛華頓今季有超強主場不敗戰績，每一場主場賽事都有入球回饋球迷，而車路士於月中去咗日本遊咗轉飛機河後，接連要應付多場英聯盃同聯賽，後防只要一個甩漏就好危險，愛華頓謝拉域同奧士文等都有能力將機會轉化成為入球。參照今季主場往績，愛華頓較為值得支持，入球大就係比較穩陣之選，一於睇好波贏錢過新年。