車仔殺氣盛半場炒起QPR

猪拉多纳

新一年，個個都想有新開始！車車喺度祝大家身體健康，波運亨通。今晚繼續有英超快車，當中車路士可以喺2012年年尾趕番上第3位，肥賓真係鬆咗一口氣，睇好車仔今輪輕取昆士柏流浪（QPR）。

（有線300及200台周四凌晨3時45分直播）

車路士近況真係幾好，近8場賽事只輸過1場，賓尼迪斯真係慢慢用行動證明一切，唔知車迷仲有冇咁唔妥佢呢？另外，之前有傳肥賓想買巴塞隆拿失意射手韋拿，甚至放棄林柏特，但各位車迷睇完上場對愛華頓嗰場賽事，應該都想「林伯」可以繼續喺史丹福橋効力直至掛靴為止，呢位老寶貝梅開二度協助車仔反勝2比1，仲打破埋「拖肥糖」今季主場不敗之身添！

客隊昆士柏流浪方面已經連輸3場，今季打咗20場聯賽只係贏過1場，依家得嗰10分，真係諗唔到佢哋點樣可以唔使降班！再睇埋對賽往績，近10次對賽QPR只贏過車路士1次。

論往績，車仔勁；論近況，車仔好。不過主Ｗ賠率太熱，所以向入球大細埋手會好分頭啲。雖然近年對賽勁旺入球細，包括首循環只係打和0比0冇交收。但睇在車仔近期殺無赦嘅氣勢，昆士柏又係降班膽，一於博車仔再下一城大炒QPR，揀番個「半場大」賀新年啦！
車車推介：車路士　半場大