寶德名城集體回憶

猪拉多纳

喺七、八十年代咤吒香港馬壇嘅「超捷」同埋「同德」，尋日呢兩大香港名駒嘅綵衣喺頭場五班一千米直路賽相遇。
       
寶德（右）與名城串成大冷Q。
一代名駒同綵衣Q

結果着住「同德」件衫嘅「寶德」就殺低咗「超捷」件衫嘅「名城」，包辦一條近千六蚊大冷Q，「寶德」仲幫守咗兩個幾月齋嘅呂健威、湯智傑齊齊打破悶局，意義非凡。
       
寶德騎練與馬主（中）愉快合照。

講開呢隻「寶德」，之前喺香港跑21場，最叻都係跑過第三，今季抖到上個月中先至復出跑田草千四米，只係跑第九名，點知今鋪縮程跑沙田一千米建功。
       

賽後呂健威話「寶德」今鋪開齋都有啲驚喜，事關呢隻馬健康冇咩問題，但表現就好失望。騎師話有馬拍住就唔願走，所以呢次索性轉嚟純粹跑自己嘅直路賽試吓，結果變招得手。