愛華頓大舉拆車

猪拉多纳

喜遇乙組仔半力夠殺

英格蘭足總盃第三圈是日有場獨腳戲，英乙球隊車頓咸主場越級挑戰英超大軍愛華頓，「拖肥糖」高過對手三級，殺雞唔使用牛刀，今戰就算半力出擊都可控制戰局，贏面好高，但客勝熱到冇肉食，呢班波近期入得失得，改玩大盤好過！

（now 633及660台周二凌晨3時45分直播）

愛華頓今季保持平穩演出，目前於英超企穩前列，排名高過阿仙奴及利物浦等名牌球隊，教頭莫耶斯真係冇得頂！「拖肥糖」季內目標仍然係爭奪歐聯席位，佢哋人手唔算多，經過快車期後係時候趁盃賽輪換，預期謝拉域及巴尼斯等主將可以抖抖，輪到賴史密夫、馬加耶古爾等後備兵落場，至於爆炸頭費蘭尼之前停賽休戰多時，今仗亦有機會披甲，對住乙組仔夠殺。
小敲愛華頓2:1波膽

車頓咸今季於英乙演出理想，主場威力甚強，近八次主場出擊未輸過，不過，對手級數同愛華頓冇得揮，賽績參考價值唔高。車頓咸實力輸蝕，即使主場出戰都要穩守突擊，要靠箭頭夏拿特爭取士哥，希望可以偷雞。愛華頓今場贏面好高，大軍近六戰四次贏波，全部都開二比一波膽，贏開有條路，今戰一於熱捧大盤，冷敲「讓球和」，可小注埋二比一波膽博一博！

猪拉多纳