巴塞速食半場大

猪拉多纳

馬拉加對攻啱胃口

西班牙盃8強首回合今晚上演重量級戲碼，衞冕冠軍巴塞隆拿主場火併馬拉加，兩軍剛在周一凌晨西甲交過手，巴塞作客輕取3比1，今仗主客互調，馬拉加更難以復仇，而巴塞喺魯營踢西盃分外Sharp醒，加埋美斯、法比加斯、柏度洛迪古斯等火力全開，預計佢哋會早早鎖定勝局，「半場大」有1.85倍最值博。

（now 632周四凌晨4時30分直播）

呢場西盃「矛盾之戰」，原本防守穩固嘅馬拉加，前幾日西甲主場面對巴塞完全冇得踢，巴塞進攻無孔不入，令刻意縮後嘅馬拉加招架乏力，但係馬拉加換入保拿洛迪後局勢好轉，呢位阿根廷中場左右穿插嘅走動激活咗中前場發揮，預計教頭比歷連尼今仗唔會再玩死守，甚至改用倒戈嘅「野兔」沙維奧拿取代辛達告魯斯任箭頭，以「野兔」、保拿洛迪及伊斯高等小矮人靈活組織，嘗試以快速反擊爭取作客入球。
「矮仔陣」硬撼「急先鋒」

另一邊廂，巴塞喺魯營最鍾意做急先鋒，經常三兩下手勢省你幾粒，盡早將比賽放入雪櫃，上次在主場惡鬥同市死敵愛斯賓奴，半場已入四粒，然後下半場輕輕鬆鬆等收工冇波入，就係明證。

睇番紀錄，巴塞近十次主場賽事，有九仗喺半場產生兩球或以上，只有歐聯分組賽尾場對賓菲加嘅例行公事喺派出多名副選揸流攤至冇交收。況且王牌射手美斯依然弗爆，配合法比加斯、恩尼斯達、沙維等具威脅嘅後上入楔，馬拉加有主場之利都頂唔住巴塞，今仗作客魯營更加唔樂觀，加上巴塞求勝心切，希望及早鎖定勝局，因此「半場大」非常好路，唔使睇足成場就有錢收，1.85倍咪嫌少呀。