佛得角「+1」狙擊加納

猪拉多纳

分組賽全部贏盤未夠喉

非國盃8強淘汰賽今晚爆發，打頭陣係加納火併佛得角。加納今屆表現漸入佳境，分組賽三場未輸過，不過對手實力一般，明顯未受考驗；相反佛得角一鳴驚人，分組賽最後一刻力壓摩洛哥出線，依家大軍士氣大振，誓要做「黑星」嘅攔路虎，佛得角受讓「讓球客勝」有2.15倍值得追多鋪。（now 676周六晚11時直播）

加納今屆人腳唔齊，大牌如蒙達利、奇雲保定、阿休兄弟都冇入選，能擔大旗的只有隊長基恩及祖記中場卡華禾艾沙姆，唔好睇佢哋喺分組賽兩勝一和好似好醒，查實對手只係尼日爾、馬里，以及剛果民主共和國之流，實在考驗唔到呢支「黑星」。反而寂寂無聞嘅佛得角，今屆表現平地一聲雷，分組賽不敗之餘全部贏盤，末仗由希頓拉莫斯喺補時階段入波絕殺安哥拉，令該隊得以壓倒摩洛哥出線，激動人心。

之前斯維同本報名家笛子波童傾過，大家都覺得佛得角因為冇名氣多數有得受讓，長期追捧實在有利可圖，呢班波擅打整體戰，防守硬淨，反擊銳利，前鋒文迪斯達加卡嘅快速突破甚有威脅，相信會帶給加納好多麻煩，「讓球客勝」有買趁早。
南非馬里好「細」界

另一場8強戰，雖然東道主南非殺入淘汰賽，但表現唔太標青，對手馬里自簡路迪退出國家隊後，始終缺乏一名把握力強嘅前鋒，令該隊經常出現老鼠拉龜情況，你當老將施度基達係萬能咩？一於捧入球細。（now 676周日凌晨2時30分直播）