費倫大將復出博反彈

猪拉多纳

費倫天拿原本係意甲前列分子，但歇冬後突然失去感覺，經過4輪聯賽只得1分，排名急跌至第6位，已被榜首祖雲達斯拋離13分，好在今仗有中場大將大衞比沙路傷愈復出，重返主場面對人腳唔齊嘅帕爾馬，係時候贏波反彈，Ali推介1.62倍主勝。（周日晚10時開賽）
帕爾馬防線不整

費倫上仗作客卡坦尼亞，表現已見復甦，大部分時間都佔上風，可惜中場阿古蘭尼喺78分鐘被逐，最終晚節不保輸波，不過缺陣多時嘅大衞比沙路今場復出，中場派牌能力比阿古蘭尼更強，球隊又啱啱喺巴黎聖日耳門簽下中場硬漢施素高，今仗主場有決心重響勝鼓。

帕爾馬上仗不敵拿玻里，主場不敗金身被破，球隊上周又將主力後衞薩卡度賣咗畀AC米蘭，實力同士氣難免受挫，今仗又有另一主力守將辛達高斯因傷缺陣，球隊防線實力削弱，作客唔夠質高一皮嘅費倫踢。

全名：Ali Duman Pak

國籍：意大利

30歲，已任球評人十餘年，個人閱歷廣，經常到不同地方居住，曾於塞爾維亞當兵，現居於土耳其，除最擅長的意甲擁有快人一步的資訊網絡外，亦對英超及南美足球有深入認識。目前在免費足球資訊網 betswelike.com分析意甲賽事。