凱沙爭升班增兵「大」搏殺

猪拉多纳

今晚德甲愛隊賀芬咸已經有黑柴同大家分析，Alwin就同大家研究吓德乙，當中杜伊斯堡主場迎戰凱沙羅頓，客軍陣容強大兼不惜血本，喺歇冬期大事增兵，目標直指前兩名直接升班資格，目前佢哋仍然落後次席嘅哈化柏林8分之多，未來賽事當然要急起直追，今仗作客一定會全力搶攻，面對主場入得又失得嘅杜伊斯堡會係入球騷，1.92倍入球大係誠意推介。

（周日晚8時30分開賽）
杜堡主場入得失得

經過去年底首循環最後3場波全敗嘅低潮後，凱沙羅頓痛定思痛，歇冬期大事擴軍，新兵包括有來自法蘭克福嘅進攻中場班捷文高拿、拜仁慕尼黑嘅18歲天才小將韋沙、多蒙特嘅左翼衞基斯路維同啱啱取得加盟首個入球嘅前柏林聯中場馬高斯卡爾同法蘭克福借將鋒將賀化，呢5位新兵立即得到重用，球隊上仗大炒特雷斯登表現清風送爽，賀化嘅加盟給予一雙喺德乙有超班感嘅箭頭艾迪素同賓查古更有力支援，今晚面對主場平均每仗總入球達到3.4個，正急於搶分護級嘅杜伊斯堡，入球唔會少！
Alwin推介：

杜伊斯堡大 ★★★★

辛特侯遜讓球勝 ★★★

賀芬咸上盤 ★★★