沙紙醒目精伶真如燕天賦傳奇

猪拉多纳

　　「沙紙」休出第2仗重現走勢，唔係出閘慢被迫殿後，以及出彎前未能及時騎起隻馬，以最後數十米追勢，必有位置。重返起家路程，換埋人，機會看俏。「醒目精伶」外地有短直路細場經驗，轉場唔會考起，只係8檔，不免失先機，恐有礙發揮。「天賦傳奇」2檔應該唔會似上場5檔三叠，有埋形勢，有得爭三甲。「真如燕」剛仗騎師發揮猶如踩鋼線，換人係好事。「好友福」多跑未必好，縮程卻有助。

　　「大東海」此程有根據，近仗又終於跑得番，唔會浪費這股升浪。「明旺」底質最高，希望降班唔會低處未算低。

　　「奪目星光」有權像上場繼續賺跑法。「無敵駿駒」剛仗跟啱位但捱唔到尾，轉跑短直路，略為有助。「喜相逢」近仗交唔到應有後勁，可爭欠穩。

　　「勝利福星」賽前工夫季內最辣一次，而本身選擇不多，必須鎖定四班此程，唔會錯過機會。「好球」班內長途中上級之輩，好開又有足夠休息時間，唔係冇得追，有資格與前駒一爭。「莫己若」跑至大長途，路程漸到極限，做妥留放則有力爭P。「多豐裕」出親都熱，跑極未贏，限拖。

　　「勁感」及「叻先生」，改戰此程，各有得益，加上，俱排內檔，對整體發揮幫助大。

　　「銳不可擋」檔靚與成績掛勾，如能貼欄守好位，沿途處境一如贏馬時。「比你高」上仗因直路中段被撞到步韻失晒，攞番前仗上名賽績，在此夠用。「紅衣精靈」11檔焗留，「盈豐快駒」再加磅，位望較高。

　　「一寶」面對多馬走形勢，唔使刻意跟得前，而負磅減令後勁爆得起，有助跑出最佳水準。「威威具星」識得出閘後，三出未輸過，太銳，四連捷大有可能。「帝國勇將」要博重現威力，單睇上場末段姿態，其實完全冇衝勢。「帝豪駿駒」或繼續受惠快步速場合，1200米也比最短途合腳法。

　　「安穩」11檔驅使早段積極取位，際遇唔似得前仗愈迫愈後，可能係好事，而恃着111磅，慢放有權帶返。「自由勝」配搭及路程有疑問，講近績卻係全場最好。「高一線」有可能遇到前仗入P形勢，冷門可博。「卓爾非凡」耐冇跑，雖趕工夫，未去到最好，位望。「家樂飛」前仗1800米跑至直路中段有兩腳，隔一隔縮回一哩，小心。

　　「闊袍大袖」腳患馬終於再次跑得番，三班一哩屬主場，有埋老拍檔韋達，膽材。「精奇」1月停課後，工夫再不疏落，大閘亦試得好，正路之選。「帝聖神駒」上場贏在中段拖慢有時間回氣，惜今場未必仍有類似處境，機會略降。「安賞」近仗大敗，可視為偶發性，以較早前接連上名水準，唔會冇得揮。

　　「新力鷹」跑一場好一場，田草級數轉谷草，雖加負幾磅，依然唔擔心。「晴天」上場屢次受阻才冇P，再遇不少上場舊對手，已有反先之力。「首飾多寶」跑落係咁上下，爭位。「喜勝多」早已在谷草試閘，轉場贏卡士，計血統，長途冇有怕。「旺家多寶」此程應可勝任，唔係等降班，按連仗表現，在今場夠跑。