潘頓1200米氣勢旺盛

猪拉多纳

　　【本報資料】馬主周家輝的「爪皇盛水」本隸屬霍利時馬房，但前季尾卻轉投方廐，其後又因為一直未有表現而回到霍廐，更於今年一月六日重獲久違了的頭馬，頗具話題性。

　　翻查資料，原來「爪皇盛水」特別擅於出爭田草C欄賽事，至今兩次於此跑道上陣，獲冠亞各一，今次重回這條跑道，續戰今季六戰獲冠亞季各一的1200米，值得秤先。

　　第七場三班1200米，「爪皇盛水」今次改配近期大紅人潘頓，此子對上七匹同程坐騎，獲一冠兩亞兩季一殿（見表），只得一次不入前四名，足證他對此程頗有心得，今日他僅得「爪皇盛水」出爭田草此程，定必爭取機會，贏番一場頭馬。

　　「爪皇盛水」近三戰獲冠亞各一，狀態良佳，上仗落敗應跟起步大慢閘有關，只要今次出閘冇問題，要收復失地非難事。