方嘉柏請食薄荷糖

猪拉多纳

　　目前蔡約翰與告東尼雙雙累積三十八W，於練馬師榜上齊齊排頭位，緊隨其後是方嘉柏。蔡兵力源源不絕，許多生力軍還按兵未動，只要時機一到，倘每駒交出一至兩W，已足令對手吃不消。但講到感情因素，賭博士就對方嘉柏情有獨鍾，並希望他重登冠軍寶座。

　　方嘉柏暫且落後蔡、東兩W，形勢雖較前時轉差，卻並非沒有翻身機會。蔡雖有大量質新籌碼，但方舊馬亦非善類，如第三場「薄荷糖」及第七場「自由好」勝在不太起眼，趁對手一不留神，小心殺個措手不及。先講「薄荷糖」，前仗跑谷草1650米爆巨冷，上仗重臨勝途卻冇段好睇，予人搵食味濃感覺；這次牠角逐田草，對手卡士較谷草為高，形勢似乎更加下風。但可別忘記，此駒本是田草起家，昔日曾於67分水平跑田草1600米入位，如今評66分，計落應有可為，今仗忽然強配杜利萊，有的放矢也！

　　第七場「自由好」休息接近一年復出，健康難免惹人憂慮，但純計牠的實力，此駒跑慣級際賽，同時也是長途氣袋，如今埋埋縮程而臨，在新鮮感搭夠下隨時爆冷。賭博士