艾美歷克受讓好路

猪拉多纳

一日之計在於晨，今晚大家睇完歐聯，如果仲未夠喉，聽朝起身返工前仲有4場自由盃同1場中北美洲冠軍盃玩，其中（二）18嘅自由盃D組，沙士菲主場對艾美歷克，力奇認為2.2倍「讓客」抵玩，事關目前排小組次席嘅艾美歷克，仲要搶多1分先可以確保出線，今鋪點都唔會有保留，受讓博得過o架！
莊家睇好堤格雷唔怕跟

講真，嚟到分組賽最後一輪，梗係以鬥志行先啦！自由盃同分計得失球，換句話講艾美歷克如果今仗輸波，同組彭拿路大炒伊基克的話，呢支厄瓜多爾「一哥」隨時會畀彭拿路反超，無緣16強。反觀沙士菲目前排喺小組第1，今仗除非輸4球，否則都係首名出線，想佢哋搏命都難啦！揀多場玩，B組堤格雷都有得諗，5連敗個主W竟然離奇熱到得1.62倍，備受莊家力撐，跟得過呀！