「橋」唔怕舊最緊要中

猪拉多纳

　　近期迷上韓劇《紅豆女之戀》，沒錯，又是那種刁蠻女、窮家子與有錢仔的愛情故事。當中不乏「有病入醫院」、「無條件付出」等舊「橋」，這年代的人看了，說其老土者，應該不計其數，然而，整套劇就是好看。由此可見，舊「橋」未必唔係好「橋」。

　　俗語有云﹕「『橋』唔怕舊，最緊要受。」套入馬場，亦復如是，不過把「受」字改為「中」字，就貼切得多。馬場內，不時有重覆的事情發生，如果你唔信邪，有時真係會蝕底。例如前晚谷草賽事，賽前本報專欄《有數得計》早就提醒大家，C+3欄C+6彎跑道大利1檔，這條「橋」，其實是數據累積而成的，結果全晚八場賽事，1檔馬獲一冠兩亞兩季一殿。

　　如果你硬頸，一直覺得賭馬同檔位無關，係要睇近績，「龍東至尊」跑入Q時，你唔開心；「天時駿駒」獲季時，你心碎；到「信心出擊」贏馬時，你崩潰了。惟有奉勸一句，「橋」唔怕舊，最緊要中。洋超