足智彩又撐 信多蘭斯1次

猪拉多纳

上星期嘅《蠱蠱惑惑》，「四眼哥」扒逆水推介主場迎戰里昂嘅蘭斯，結果蘭斯小勝1:0，中到應一應。不過，其實並唔係「四眼哥」眼光獨到，只係肯花啲時間去做賠率比較，同相信足智彩操盤高手嘅眼光啫。

今日「四眼哥」繼續用同一套法則，喺75場足智彩開盤賽事入邊，搵咗兩場出嚟同大家研究吓。今次都有蘭斯份，呢隊波近3場法甲拎到7分，總算暫時逃離降班區；反而主隊比斯特就大鑊好多，近5場法甲得1分，家陣喺積分榜排尾二，再係咁落去，華佗都救唔番。
比斯特主W高開

可能歐莊覺得，季中曾經贏過波爾多同索察嘅比斯特係時候搶分，而且根據對賽往績，比斯特竟然揸住3勝2和嘅優勢，所以歐洲平均賠率都係主W熱啲，大莊William Hill同Ladbrokes更大幅調低主W。但係足智彩嘅睇法就有好大分別，開出同歐平差唔多好分嘅主W，仲重手調低埋個和波同客W，以防蘭斯作客再搶到分。呢場足智彩冇開讓球，「讓球客勝」受讓熱到得1.5倍，照殺！