錫耶納2倍客W要跟

猪拉多纳

嚟到深宵時段，投X人千祈唔好因為早段勝負衝昏頭腦，立亂出擊，呢節直播波多多，但其實講到好路，力奇會揀場意甲護級大戰（六）49佩斯卡拉對錫耶納，兩班波實力差唔遠，客隊竟然惡到瓣客W得2倍，擺明信心十足，值得捧場呀！
PSG搵特魯瓦祭旗

雖然話係護級大戰，查實排緊包尾嘅佩斯卡拉，依家距離護級安全線6分，表面睇贏2場就追得番，但實質係佢哋咁易贏到2場，就唔使搞到依家田地，以佢哋近12場聯賽得1和11負戰績，憑乜同人砌？反觀錫耶納排尾4仲有得救鬥志好，近4戰得1勝3和狀態Fit，今晚再贏有乜出奇？

至於話想玩名牌，（六）47特魯瓦主場對巴黎聖日耳門（PSG），客隊啱啱歐聯光榮出局，唔想爭法甲有閃失，對3分志在必得，1.57倍客W夠食個消夜啦！