葡盃決賽波圖小勝格

猪拉多纳

聽日係禮拜日，今晚梗係要消夜、玩波直落先至盡興啦！嗱，凌晨2:45有場葡聯盃決賽（六）65，由布拉加同波圖喺科英布拉球場做大騷，波圖出名係「布拉加決賽剋星」，相信今次嘅劇本都唔會例外，嫌客W太熱冇分頭嘅話，不如冷敲3.45倍「讓球和」吖！

唔講唔知，原來波圖專喺大時大節恰布拉加，包括兩次葡盃決賽、1次葡超盃同前屆歐霸盃決賽，呢幾場大嘢都係由波圖取勝，真係唔到你唔信邪！況且波圖今仗有翼鋒伊斯米洛夫刑滿同埋前鋒施維斯達華利拿傷愈，陣容咁完整，對住首次殺入葡聯盃決賽嘅布拉加明顯秤先。
瞓醒玩埋拉魯斯主勝

之不過咁，雙方啱啱喺上輪聯賽先交完手，波圖完場前7分鐘先靠奇雲馬迪奧斯連省兩粒贏3:1，過程都咬得幾緊，考慮到今戰係決賽，布拉加肯定唔敢貿然搶攻，照計輸極有個譜，估波圖小勝要個「讓球和」好路。

唔夠喉？聽朝一擘大眼仲有場拉魯斯對男生隊嘅阿甲波（六）73，男生隊新季作客1和3負未開齋，造訪不敗之師拉魯斯唔慌有運行，主勝熱一熱都要捧啦！