曼聯玩輪換 明醒韋斯咸

猪拉多纳

今季歐洲五大聯賽爭標形勢已經非常清晰，各支榜首球隊均遙遙領先，捧盃已冇懸念，因此亦要提防佢哋戰意下降，尤其係一周雙賽，周中賽事好可能輪換人腳，導致表現走樣。曼聯領隊費格遜最鍾意玩輪換制，今仗作客由老友艾拿戴斯執教嘅韋斯咸，更加可以放鬆心情大踢「友誼賽」，曼聯讓半一唔抵玩，寧揀韋斯咸下盤。

（有線300及200台周四凌晨2時45直播）
費Sir同艾拿戴斯好friend

曼聯表面上近期聯賽成績未有明顯倒退，但實際演出已冇咁銳利，例如對住下游球隊雷丁、新特蘭，僅小勝1比0，足總盃遇上強隊車路士及打吡戰對曼城都輸晒。咁又難怪嘅，紅魔鬼已拋離踢少一場嘅曼城15分，捧盃只係時間問題，球員甚至主帥費格遜有所鬆懈，亦係人之常情。費Sir同艾拿戴斯私交甚篤，艾帥近期同韋斯咸傾緊續約，費Sir隨時留有一手，送順水人情畀佢，增加續約籌碼。

事實上，雙方今季三次交手，都踢得好緊湊，曼聯兩次主場皆小勝1比0，足總盃作客一役，更係補時先至驚險逼和韋斯咸2比2。預料紅魔鬼今場就算贏，都係小勝一球居多，讓半一只贏半個盤，實在乏味，加上失分機會亦高，博下盤好過。至於曼城雖然捧盃無望，但領隊文仙尼希望盡力做出最好成績，保住飯碗，韋根要搶分護級，冇得退縮，捧入球大。
肥叔心水

史特加 上盤

曼城 大 韋斯咸 下盤

車路士 上盤